തിത്തിത്താര തിത്തിത്തൈ

അങ്ങനെ ഈ വര്‍ഷത്തെ നെഹ്‌റു ട്രോഫി അവസാനിച്ചു. കിരീടം ചൂടിയത് ജവഹര്‍ തായങ്കരി. പുതു തലമുറയിലെ ചില ആളുകള്‍ക്കപ്പോ  ഒരു സംശയം " ആരെടാ ഈ തായങ്കരി , കേട്ടിട്ടില്ലല്ലോ"  അവര്‍ക്കായി ചില വിശേഷങ്ങള്‍.

പറവൂരില്‍ ജനിച്ചു വളര്‍ന്നത്‌ കൊണ്ടാകാം വള്ളം കളി എനിക്കൊരു ഹരമാണ്. കോട്ടപ്പുറത്തും, പല്ലംതുരുതിലും നടന്ന മിക്കവാറും വള്ളം കളികള്‍ ഞാന്‍ കണ്ടിരുന്നു. വെപ്പ്, ഇരുട്ടുകുത്തി വിഭാഗത്തില്‍ പെട്ട വള്ളങ്ങള്‍ മാത്രമേ ഈ വള്ളം  കളികളി ല ഉണ്ടായിരുന്നുള്ളൂ. എന്റെ വീടിനടുത്തെ ചേട്ടന്മാര്‍ തുഴയുന്നത് കൊണ്ടാവാം ഞാന്‍ "ഗുരുവായൂരപ്പന്‍ " വള്ളം ആണ് മികച്ച വള്ളം എന്ന് ഞാന്‍ ഉറച്ചു വിശ്വസിച്ചിരുന്നു. ചുണ്ടന്‍ വള്ളങ്ങള്‍ ഞാന്‍ നേരിട്ട് കണ്ടിട്ടുമില്ലല്ലോ. PG ക്ക്  പഠിക്കുന്ന സമയം. ഓണം അവധി തുടങ്ങിയ ദിവസം ഒരു ഫോണ്‍. കോട്ടയത്തെ എന്റെ സുഹൃത്ത്‌ രമ്യ ( ആളിപ്പോള്‍ മാതൃഭുമി യില്‍ ഉണ്ട് ) യാണ് വിളിച്ചത്, വരുന്നോ പുന്നമാടക്കയലിലേക്ക്, ഒട്ടും അമാന്തിച്ചില്ല. വെച്ച് പിടിച്ചു. അവിടെ ചെന്നപ്പോള്‍ അവളും അവളുടെ ചേട്ടനും അച്ഛനും എല്ലാവരും ഒരു ബോട്ട് നു മുകളില്‍. എന്നെയും അതിനു മുകളിലേക്ക് വലിച്ചു കേറ്റി.  അതാ വരുന്നൂ ചുണ്ടന്‍ വള്ളങ്ങള്‍, ആദ്യം കണ്ടത്, ചെറുതന ചുണ്ടന്‍. ഞാന്‍ ശരിക്കും ഞെട്ടി. അതിന്റെ വലിപ്പവും ഭംഗിയും കണ്ടപ്പോള്‍ എന്റെ പാവം " ഗുരുവായൂരപ്പന്‍ വള്ളം " കെട്ടഴിഞ്ഞു എന്റെ മനസ്സില്‍ നിന്നും ഒഴുകിയങ്ങു പോയി, അങ്ങ് അറബിക്കടലിലേക്ക് . 120 നു മുകളില്‍ ആളുകള്‍ ഉണ്ടാകും ഒരു ചുണ്ടന്‍ വള്ളത്തില്‍. ഒരേ വേഗത്തില്‍ , ഒരേ താളത്തില്‍ ഒരേ മനസ്സോടെ അവര്‍ തുഴ വീശി എറിയുമ്പോള്‍ തുഴപ്പാട് അകലെ അല്ല മറിച്ച് വള്ളപ്പാടു അകലെയാണ്  നമ്മുടെ ഹൃദയത്തെ അവര്‍ കൊണ്ട് പോകുന്നത്. 

1952 ലാണ് നെഹ്‌റു ട്രോഫി ആരംഭിക്കുന്നത്. നടുഭാഗം ചുണ്ടന്‍ ആണ് ആദ്യത്തെ വിജയി. അതിനു ശേഷം 13 തവണ കാരിച്ചാല്‍ ചുണ്ടനും, എട്ടു  തവണ കല്ലൂപ്പരമ്പന്‍ ചുണ്ടനും, ഏഴു തവണ ചമ്പക്കുളം ചുണ്ടനും, രണ്ടു  തവണ പായിപ്പാടന്‍ ചുണ്ടനും ബാക്കിയുള്ള വര്‍ഷങ്ങളില്‍ മറ്റു ചില വള്ളങ്ങളും ട്രോഫി നേടി. ഇത്തവണത്തെ ജേതാക്കളായ ജവഹര്‍ തായങ്കരി ഇതിനു മുന്‍പ് മൂന്നു  തവണ കൂടി ട്രോഫി നേടിയിട്ടുണ്ട്. ഇപ്പോള്‍ മനസ്സിലായല്ലോ തായങ്കരി നിസ്സാരക്കാരനല്ല എന്ന്?.   

ചുണ്ടന്‍ വള്ളങ്ങളെ പറ്റി പറയുമ്പോള്‍ ക്ലുബുകളെ നമ്മള്‍ മറന്നു പോകരുത്. ഇന്ന് പ്രധാനമായും മൂന്നു പ്രദേശങ്ങളെ കേന്ദ്രീകരിച്ചാണ് ചുണ്ടന്‍ വള്ളം തുഴയുന്ന ആളുകളുടെ ക്ലബ്ബുകള്‍ ഉള്ളത്. കൊല്ലം, കുമരകം, കുട്ടനാട് എന്നിവയാണ് അവ.ഏതാണ്ട് പത്തിലധികം മേജര്‍ ക്ലബ്ബുകള്‍ ഇവിടെയുണ്ട്.  ഇതിലേറ്റവും പ്രധാനപ്പെട്ട ക്ലബ്‌ ആണ് കുമരകം ബോട്ട് ക്ലബ്‌ . 1971 നു ശേഷം 13 തവണ ഈ ക്ലബ്‌ തുഴഞ്ഞ വള്ളങ്ങള്‍ക്ക്  ട്രോഫി കിട്ടിയിട്ടുള്ളത്. ഇത്തവണ ജവഹര്‍ തായങ്കരി വള്ളം തുഴഞ്ഞതാരാ? സംശയമെന്താ കുമരകം ബോട്ട് ക്ലബ്‌. ഇപ്പോള്‍ നിങ്ങളുടെ സംശയം മാറിയില്ലേ ?

നിളയുടെ തീരത്തെ ചിലങ്ക മണികള്‍.

ഒരു ചോദ്യം എറിഞ്ഞു തന്നെ തുടങ്ങട്ടെ ? എന്താണ് കല ? ആലോചിച്ചിട്ട് ഒരു എത്തും പിടിയും അരികും മൂലയും കിട്ടുന്നില്ല. ഉടന്നെ തപ്പി നമ്മുടെ ഇന്റെര്‍നെറ്റിലെ വിക്ജ്ഞാന കോശങ്ങളില്‍. കിട്ടിപ്പോയ് " മനുഷ്യന്റെ വികാര വിചാരങ്ങളെ തഴുകി ഉണര്‍ത്തുന്ന മനപൂര്‍വമായ ചെയ്തിയോ അല്ലെങ്കില്‍ ഉല്‍പ്പന്നമോ ആണ് കല " . എന്റമ്മേ . ഈ നിര്‍വചനം കൊടുത്തത് സുകുമാര്‍ അഴീക്കോട്‌ സാര്‍ ആണോ ? ആവാന്‍ വഴിയില്ല. പുള്ളിക്കാരന്‍ ഇതിലും സരളമായി ആണ് എന്തിനെയും നിര്‍വചിക്കുക. നിങ്ങളിപ്പോള്‍ വിചാരിക്കുന്നുണ്ടാവും ഈ സുമുഖനും കലയും തമ്മില്‍ എന്ത് ബന്ധം എന്ന് ? ആ നിങ്ങളോട് എനിക്കൊന്നേ പറയാനുള്ളൂ  " ശോഭേ, ഞാനൊരു കലാകാരന്‍ ആണ് , ചിത്രകാരന്‍ ആണ്, നന്നായി പാടുകയും ചെയ്യും, പക്ഷെ ഇപ്പോള്‍ പാടുന്നില്ല, അമ്മയും തങ്കമണിയും ഒക്കെ  കേട്ടാല്‍ മോശമല്ലേ " . മലയാള കലയുടെ മുഖം നിളാതീരത്തെ നമുക്ക് കാണാനാവൂ. ചെറുതുരുത്തിയുടെ മുഖശ്രീയായി കേരള കലാമണ്ഡലം. ചിത്രയോഗം എഴുതിയ മലയാളത്തിലെ ഏറ്റവും മികച്ച കലാകാരനും കലാപ്രേമിയുമായ മഹാകവി കൈ പിടിച്ചുയര്‍ത്തിയ കലയുടെ ക്ഷേത്രം. ഈ ഒരു കാര്യത്തിനു മാത്രം അദ്ദേഹത്തിന് ഭാരത രത്നം കൊടുക്കണമായിരുന്നു . കൊടുത്തില്ല. ( പദ്മ ഭുഷന്‍ ലഭിച്ചത് ഞാന്‍ മറക്കുന്നില്ല). കേരള കലാമണ്ഡലം, അങ്ങനെ വിളിക്കാമോ ആവോ ? ഇപ്പോള്‍ പേര് മാറിയത് നിങ്ങള്‍ അറിഞ്ഞു കാണും. കലാമണ്ഡലം ദീമെദ് യുനിവേര്സിടി ഓഫ് ആര്‍ട്സ് ആന്‍ഡ്‌ കള്‍ച്ചര്‍ എന്നാണു ഇപ്പോഴത്തെ നാമം. എന്താവശ്യം ഈ പേരുമാറ്റത്തിനു എന്നറിയില്ല. മുന്‍പുണ്ടായിരുന്ന പേരിന്റെ ലാളിത്യമോ മനോഹാരിതയോ ഈ പുതിയ പേരിനുണ്ടോ ? അതും  അറിയില്ല. മഹാരഥന്‍ മാര്‍ക്കൊപ്പം എന്ന കേരള ടൂറിസം പ്രോജെക്ടിന്റെ ഭാഗമായി ആണ് ഞാന്‍ ആദ്യമായി kalamandalathil ചെല്ലുന്നത്.   പ്രഗല്‍ഭനായ അപ്പുക്കുട്ടന്‍ നായര്‍ രൂപകല്‍പന ചെയ്ത കൂത്തമ്പലം കണ്ട മാത്രയില്‍ എന്തോ ഒരു മിന്നല്‍ എന്റെ തലയിലൂടെ കടന്നു പോയി. അത്ര മനോഹരം. കഥകളി, തുള്ളല്‍, വാദ്യം എന്നീ ക്ലാസ്സുകള്‍ നടന്ന സ്ഥലങ്ങള്‍ എന്നെ ആകര്ഷിച്ചതെ ഇല്ല.  എന്റെ മനസ്സിലേക്കും കാതിലേക്കും കയറിയത് ആയിരക്കണക്കിന് ചിലങ്ക manikalude മധുര ശബ്ദം മാത്രം. അതാ   നാട്യ കളരി , ഒരേ ചുവടുകള്‍ വെക്കുന്ന നീല ദാവണി ഉടുത്ത രത്നങ്ങള്‍. ആയിരം ഭാവങ്ങള്‍ വന്നു നിറയുന്ന മുഖങ്ങള്‍, ലക്ഷക്കണക്കിന്‌ അര്‍ത്ഥങ്ങളും ആശയങ്ങളും പൊഴിയുന്ന കൈ മുദ്രകള്‍, പിന്നെ എന്റെ ശ്രദ്ധ മുഴുവനായി നേടിയ ചിലങ്ക മണികള്‍. ഞാനേതോ സ്വപ്ന ലോകത്തിലാണെന്ന് തോന്നിപ്പോയി  ( രാജലക്ഷ്മി teacherinu നന്ദി, എന്നെ അവിടെ കുറച്ചു നേരം ക്ലാസ്സ്‌ കണ്ടു നില്‍ക്കാന്‍ സഹായിച്ചതിന് )  ഇന്ത്യ വിഷനിലെ പ്രമോദ് ചേട്ടന്‍ വന്നു വിളിച്ചില്ലായിരുന്നെങ്കില്‍ ഞാന്‍ വരില്ലായിരുന്നു കളരിയുടെ മുന്നില്‍ നിന്നും. തിരിച്ചു വരും നേരം ഞാന്‍ വിചാരിച്ചു ഞാനൊരു കലാമണ്ഡലം കൃഷ്ണന്‍ നായര്‍ ആയിരുന്നെങ്കില്‍, കൃഷ്ണന്‍ കുട്ടി പൊതുവാള്‍ ആയിരുന്നെങ്കില്‍, 

കലാമണ്ഡലം എന്റെ ബോധ മണ്ഡലത്തില്‍ നിന്നും മാഞ്ഞില്ല. കൃത്യം ഒരു വര്‍ഷത്തിനു ശേഷം അവിടെ എനിക്ക് വേണ്ടി ഒരു ജോഡി ചിലങ്കകള്‍ മണികള്‍ കിലുക്കി, bachelor ഓഫ് പെര്ഫോര്‍മിംഗ്  ആര്‍ട്സ് കോഴ്സ് ലെ 120 ചിലങ്കകളില്‍ വെറും രണ്ടു  എണ്ണം എനിക്ക് വേണ്ടി. ആ ചിലങ്കകളോട് ഞാന്‍  ചോദിച്ചു ( ക്ലാസ്സ്‌ മേറ്സിലെ പ്രിഥ്വി ചോദിച്ച പോലെ ) മൂന്നു വര്ഷം കഴിഞ്ഞു ഞാന്‍ വന്നു വിളിച്ചാല്‍ ?      ആ ചിലങ്കകള്‍ ഒന്നും പറഞ്ഞില്ല, ഞാന്‍ തിരിഞ്ഞു നടന്നപ്പോള്‍ ആ ചിലങ്ക മണികള്‍ ഒന്ന് കുലുങ്ങി,  ആ നാദം എന്റെ ചിന്തകള്‍ക്ക് മുന്നേ എന്റെ സ്വപ്നങ്ങളിലേക്ക് വന്നു, ആ ചിലന്കകള്‍ക്കായി  കാത്തിരുന്നു കൊണ്ട് സുമുഖന്‍. 

അറിവിന്‍റെ ചങ്ങലക്കു ഇന്ത്യയില്‍ 15 വയസ്സ്. അത് തന്ന അറിവോ ആയിരം വര്‍ഷങ്ങളുടെ

ഇന്റെര്‍നെടിനു ഇന്ത്യയില്‍ 15 വയസ്സ് തികഞ്ഞിരിക്കുന്നു. അറിവിന്‍റെ താക്കോലുകളുടെ ആദിമ രൂപം നമുക്ക് സമ്മാനിച്ച CERN നോടുള്ള നന്ദി ആദ്യമേ രേഖപ്പെടുത്തട്ടെ. ഇന്റര്‍നെറ്റ്‌ എന്ന ആംഗലേയ പദത്തിന് പകരം അറിവിന്‍റെ ചങ്ങല എന്ന പദം ഞാന്‍ ഉപയോഗിച്ച് കൊള്ളട്ടെ, ശരിയായ തര്‍ജ്ജമ അതല്ലെങ്കിലും. 1995 ലെ നാട്ടിന്‍പുറത്തെ ഒരു  പതിനൊന്നുകാരന്‍ പയ്യന്  ഇന്ത്യയിലെ ചങ്ങലയുടെ ആരംഭം ഒരു വാര്‍ത്തയെ അല്ലായിരുന്നു അന്ന്. ശാസ്ത്ര പുസ്തകങ്ങള്‍ കരണ്ട് തിന്നിരുന്ന സമയമായിരുന്നെങ്കിലും ഒരു കമ്പ്യൂട്ടര്‍ കൈ കൊണ്ട് തോട്ടിട്ടില്ലാത്തത് കൊണ്ടാകാം അന്ന് ഞാന്‍ ഈ  വാര്‍ത്ത ശ്രദ്ധിക്കാതെ പോയത്. ആദിമ ശാസ്ത്ര സമൂഹത്തിനു ചക്രവും വ്യവസായ വിപ്ലവത്തിനായി ഇലെക്ട്രോ മാഗ്നെടിക് ഇന്ടക്ഷനും ഒരു പാത തെളിച്ചുവെങ്കില്‍ ആധുനിക ശാസ്ത്രത്തിന്റെ കുതിച്ചു ചാട്ടത്തില്‍ ഈ ചങ്ങല പ്രധാന പങ്കു വഹിച്ചിരുന്നു എന്ന് നിസ്സംശയം പറയാം. എന്നെ എങ്ങനെ ഈ ചങ്ങല വരിഞ്ഞു മുറുക്കി എന്ന് ചോദിച്ചാല്‍ ഓര്‍മ്മകള്‍ കൃത്യം 10 കൊല്ലം പുറകോട്ടു പോകും. ഏറണാകുളം ജില്ലയുടെ വടക്കേ അറ്റത്തെ കലാലയത്തില്‍ ബിരുദത്തിനു ചേര്‍ന്ന സമയം. ഈ ലോകത്തെ നാളെ തന്നെ മാറ്റിക്കളയാം എന്ന ഉദ്ദേശ്യ ശുദ്ധിയുമായി വിപ്ലവപാര്ടിയുടെ നേതാവായി ആദ്യ ദിവസങ്ങളിലേ ഞാന്‍ മാറി. നേതാവായാലും ക്ലാസില്‍ കേറുന്ന പതിവിനു ഞാന്‍ കാര്യമായ കൊട്ടങ്ങളൊന്നും ഞാന്‍ വരുത്തിയതുമില്ല.   ശാസ്ത്ര വിഷയങ്ങളോടും മാധ്യമ ലോകത്തോടുമുള്ള എന്‍റെ താല്പര്യം സയന്‍സ് കൊണ്ഗ്രെസ്സിന്റെ ജില്ലാ തല വിജയിയായി എന്നെ മാറ്റി.  പകരമതാ കിട്ടുന്നൂ ഇന്ത്യന്‍ കാര്‍ഷിക രംഗത്തെ സമൂല മാറ്റത്തിന് വിധേയമാക്കിയ Swaminathan ഫൌണ്ടേഷന്‍ നടത്തുന്ന ഒരു ശാസ്ത്ര മാധ്യമ കളരിയിലേക്ക് എനിക്കുമൊരു പ്രവേശന  ടിക്കറ്റ്‌. എന്‍റെ കയ്യില്‍ നല്ലൊരു ബാഗ്‌ ഇല്ലാത്തതു കൊണ്ട് എന്‍റെ കൂട്ടുകാരിയുടെ കയ്യില്‍ നിന്നും ഒരു ബാഗ് കടം വാങ്ങി അത്യാവശ്യ സാധങ്ങള്‍ കുത്തി നിറച്ചു ഞാന്‍ വെച്ച് പിടിച്ചു, കേരളത്തിന്റെ ഏറ്റവും മനോഹരമായ ജില്ലയിലേക്ക്, ഒരു കാര്യം കൂടെ പറഞ്ഞു കൊള്ളട്ടെ, അന്നായിരുന്നു എന്‍റെ ആദ്യത്തെ ട്രെയിന്‍ യാത്ര. വന്നിറങ്ങിയ എന്നെ സ്വാഗതം ചെയ്തത് അത്ഭുതങ്ങളുടെ ഒരു കൂമ്പാരം. എട്ടാം ക്ലാസില്‍ ഞാന്‍  സയന്‍സ് പുസ്തകത്തില്‍ കണ്ട  telescopukal ,  ഔഷധ സസ്യ തോട്ടങ്ങള്‍, മാധ്യമ രംഗത്തെ പ്രമുഖരുടെ ക്ലാസുകള്‍,  നന്നായി ഇംഗ്ലീഷ് പറയുന്ന ഒരു വിദ്യാര്‍ഥി കൂട്ടവും (ഞാനൊഴിച്ച്‌ ബാക്കിയെല്ലാവരും പേര് കേട്ട കലാലയങ്ങളിലെ പുലികള്‍). രാവിലെ അഞ്ചു  മുതല്‍ രാത്രി 12   മണി വരെ നീളുന്ന പരിപാടികള്‍, പരിശീലങ്ങള്‍, മത്സരങ്ങള്‍. ഞങ്ങള്‍ 20 പേര്‍ക്കും ഒരു ക്ഷീണവും തോന്നിയിരുന്നില്ല.  മൂന്നാം ദിവസമായി.   അതാ വരുന്നൂ ഇന്നത്തെ പ്രധാന പരിപാടി " internetine അറിയുക". പുസ്തകങ്ങളിലൂടെ മാത്രം അറിഞ്ഞ ആ അറിവിന്‍റെ ലോകത്തെ അറിയുവാനായി ഞാന്‍ തയ്യാറെടുത്തു. നോക്കിയപ്പോളതാ വരുന്നൂ ഒരു സുന്ദരി. എന്നേക്കാള്‍ രണ്ടോ മൂന്നോ വയസ്സ് മാത്രം കൂടുതലുള്ള ആ ചേച്ചി ( സോറി. അങ്ങനെ വിളിക്കനെനിക്ക് സൌകര്യമില്ല) ഞങ്ങളെ കമ്പ്യൂട്ടറിന്റെ അടുത്തേക്ക് കൂട്ടി കൊണ്ട് പോയി. അതാ തുറക്കുന്നു ഇന്റര്‍നെറ്റ്‌ . അതിനകത്ത് കയറിയപ്പോള്‍ അത് വേണ്ടായിരുന്നു എന്നാണു എനിക്ക് തോന്നിയത്. മിനിടുകള്‍ക്ക് ശേഷം മാത്രം തുറക്കുന്ന കുറെ പേജുകള്‍. ഞാന്‍ അന്തം വിട്ടിരുന്നു. " ഈ കുന്ത്രാണ്ടത്തില്‍ വിവരങ്ങള്‍ തപ്പുന്നതിനു പകരം എന്‍റെ നാട്ടിലെ പപ്പുക്കുട്ടി vaayanashaalayil പോയി വലിയ പുസ്തകങ്ങള്‍ തിരയുന്നതാണ്" എന്നെനിക്കപ്പോള്‍ തോന്നി. പിന്നെ ക്ലാസ്സ്‌  എടുക്കുന്ന ആളിനെ സന്തോഷിപ്പിക്കാന്‍ വേണ്ടി എല്ലാം തലയാട്ടി കേട്ടിരുന്നു, കണ്ടിരുന്നു. അവസാനം ഞങ്ങള്‍ക്ക് ഒരു ഇമെയില്‍ അഡ്രസ്‌ ഉണ്ടാക്കി തരാമെന്നായി നമ്മുടെ സുന്ദരി ( സോറി എന്‍റെ മാത്രം സുന്ദരി , ചില കാര്യങ്ങളില്‍ ഞാന്‍ സോഷ്യലിസ്റ്റ്‌ alla). എന്‍റെ ഊഴമെത്തി, ഒരു id ഞാനും ഉണ്ടാക്കി, അപ്പോള്‍ അതാ പാസ് word വേണമെന്നായി, എന്തിടും. രണ്ടും കല്‍പ്പിച്ചു ഞാന്‍ സുന്ദരിയോട്‌ പേര് ചോദിച്ചു. എനിക്കിഷ്ടമുള്ള all ടൈം favourite  പേര് പുള്ളിക്കാരിക്കും. രണ്ടക്ഷരമുള്ള കൃഷ്ണ bhakthayude നാമം. മറ്റൊന്നുമാലോചിച്ചില്ല ആ നാമത്തിന്റെ കൂടെ എന്‍റെ പേരിന്റെ ഒരു ഭാഗം കൂടി ചേര്‍ത്തിട്ടു ഞാന്‍ എന്‍റെ പാസ്‌ വേര്‍ഡ്‌ ആക്കി മാറ്റി . അതിന്നു വരെ ഞാന്‍ മാറ്റിയിട്ടില്ല ( "നമ്മുടെ മുന്‍ കാമുകികള്‍ നമുക്കാരായി തീരുമെന്ന ചോദ്യത്തിന്റെ ഉത്തരം അവര്‍ നമ്മുടെ മെയില്‍ id യുടെ പാസ്‌ വേര്‍ഡ്‌ ആയി മാറും" എന്നേതോ മഹാന്‍ പറഞ്ഞിട്ടുണ്ട് . ആ മഹാനൊരു namovaakam). വിവര ചങ്ങലയെ കുറിച്ചറിഞ്ഞ ഈ ദിവസങ്ങള്‍ എന്‍റെ ജീവിതത്തെയും വീക്ഷണങ്ങളെയും  മാറ്റി മറിച്ചു. അറിവ് സമ്പാദിക്കുക എന്നതിനെക്കാളും മഹത്തരമാണ് അത് പകര്‍ന്നു നല്‍കുക എന്നത് എനിക്ക് മനസ്സിലാക്കി തന്നത് ഈ ദിവസങ്ങളാണ്. ഒരു മാധ്യമാപ്രവര്തനാകുക എന്ന എന്‍റെ ആഗ്രഹത്തെ ഒരു അധ്യാപകനായി മാറുക എന്നതാക്കി വഴി തിരിച്ചു വിട്ടത് ഈ ദിവസങ്ങളാണ്. അഞ്ചു  ദിവസങ്ങള്‍ക്കു ശേഷം തിരിച്ചു വന്ന ഞാന്‍ ആദ്യം ചെയ്തത് ഒരു കട മുറിയെടുത്തു   അതില്‍ ഒരു tuition ക്ലാസ്സ്‌ തുടങ്ങി എന്നുള്ളതാണ്. പിന്നീടുള്ള വര്‍ഷങ്ങള്‍ മുഴുവനും  എന്‍റെ പഠനത്തിനു ആവ്ശ്യമായതും  അതിലതികവും ആ സംരഭം എനിക്ക് തന്നു.  ഏറ്റവും പാവനമായ സേവനങ്ങളില്‍ ഒന്ന് തിരഞ്ഞെടുക്കാന്‍ സഹായിച്ച ഈ ദിനങ്ങളില്‍ ഒന്നിലാണ് ഞാന്‍ ഇന്റര്‍നെറ്റ്‌ എന്ന മായാലോകതിലേക്ക് ഒന്ന് എത്തി നോക്കിയത്  എന്നുള്ളത് വിവര ചങ്ങലയുമായുള്ള എന്‍റെ ബന്ധത്തെ  വര്ധിപ്പിചിട്ടെ ഉള്ളൂ

ഇനി കുറച്ചു എന്റെതല്ലാത്ത വിശേഷങ്ങള്‍.1998 വരെ കേന്ദ്ര ഗവണ്മെന്റ് സ്ഥാപനമായ  ബി എസ എന്‍ എല്‍ ന്റെ ഡയല്‍  അപ്പ്‌ കണക്ഷന്   മുന്‍പില്‍ ഓരോ പേജും തുറന്നു വരുന്നതും കാത്തിരിക്കാനായിരുന്നു നമ്മുടെ വിധി. എന്നാല്‍ സ്വകാര്യ കമ്പനികള്‍ ഈ രംഗത്തേക്ക് കടന്നു വന്നതോടെ വിവര സ്രോതസ്സുകള്‍ വര്‍ധിക്കുന്നത് പോലെ വേഗവും വര്‍ധിച്ചു വന്നു.  ഈ ദശകത്തിലെ ആദ്യ പാദത്തില്‍ ഡോട്ട് കോം കമ്പനികള്‍ നിര നിരയായി പൊട്ടിയപ്പോള്‍ ഈ സാങ്കേതിക വിദ്യ അവസാനിക്കുമെന്ന് കരുതിയെങ്കിലും അത് ശക്തി ആര്ജിക്കുക യാണ് ചെയ്തത് .    ineternet കൊടി  കുത്തി വാഴുന്നു  എന്ന് കരുതുന്ന ഇന്ത്യയില്‍ പോലും ഒന്‍പതു  % പേര്‍  മാത്രമാണ് ഇന്റര്‍നെറ്റ്‌ പതിവായി ഉപയോഗിക്കുന്നത്. അതിനര്‍ഥം ഇപ്പോഴും നമ്മുടെ രാജ്യത്തില്‍ വിവര ചങ്ങല  പ്രധാന വിവര സ്രോതസ്സായി ഉപയോഗിക്കുന്നില്ല. ഇതിനൊരു മാറ്റം വന്നെ തീരൂ. ആ നാളെക്കായി കാത്തിരുന്നു കൊണ്ട് നിങ്ങളുടെ സുമുഖന്‍ സുന്ദരന്‍ 

കേരള സമൂഹത്തിനു അത്യാവശ്യമായ ഒരു ഒളിച്ചുകളി

.

കഴിഞ്ഞ രണ്ടു മൂന്നു മാസങ്ങളിലെ മലയാള ഭാഷ വാരികകളെ പരത്തിയും നീട്ടിയും കുറുക്കിയും വായിക്കുന്നതിനിടയിലാണ് രസകരമായ ഒരു ഒളിച്ചുകളി നടക്കുന്നത് സുമുഖനു കാണാന്‍ കഴിഞ്ഞത്. മാതൃഭൂമി, മാധ്യമം എന്നീ ജനപ്രിയ വാരികകളില്‍ ആണ് ഞാന്‍ ഈ ഒളിച്ചുകളി കണ്ടത്. കളി നടത്തുന്നത് നിസ്സാരക്കരല്ലാത്തത് കൊണ്ട് ഈയുള്ളവന്റെ ശ്രദ്ധ വളരെ വേഗം ഈ വാരികകള്‍ പിടിച്ചു പറ്റുകയും ചെയ്തു. ഹമീദ് ചെന്നമാങ്ങലൂര്‍, കെ ഇ എന്‍ കുഞ്ഞഹമ്മദ് എന്നിവരുടെ ഈ കളി ഒട്ടൊക്കെ രസിച്ചും ആലോചിച്ചും പഠിച്ചും ഞാന്‍ എന്റെ കുറെ സമയം കളഞ്ഞു. പരസ്പരം പോരടിക്കുന്ന രണ്ടു ബുദ്ധിജീവികള്‍ എന്നേ പ്രത്യക്ഷത്തില്‍ തോന്നുകയുല്ലുവെങ്കിലും അങ്ങനെയല്ല എന്ന് പിന്നീട് എനിക്ക് മനസ്സിലായി. മത മൌലികത തൊട്ടു തീണ്ടിയിട്ടില്ല എന്ന് മാത്രമല്ല അതിനെതിരെ എന്നും വാളോങ്ങിയിരുന്ന ഇവര്‍ തമ്മിലെന്തിനു അതിന്റെ പേരില്‍ തന്നെ തല്ലുകൂടുന്നു എന്ന് ചിന്തിച്ചാല്‍ എന്നെപ്പോലെ നിങ്ങള്‍ക്കും ഈ ഒളിച്ചു കളി മനസ്സിലാകും. മുസ്ലിം സമൂഹത്തില്‍ ജമാത് ഇസ്ലാമി കൊണ്ട് വരാന്‍ ശ്രമിക്കുന്ന ഇരകള്‍ എന്ന ബോധം ആ സമൂഹം തിരിച്ചറിയണം എന്ന് ഹമീദ് സാറും സവര്‍ണ ഫാസിസത്തെ ഇന്ത്യയില്‍ നിന്നും തുടച്ചു നീക്കണമെന്ന് കെ ഇ എന്‍ സാറും മാതൃഭൂമി, മാധ്യമം ഇത്യാദി സമയം കൊല്ലികളിലൂടെ പറയുമ്പോള്‍  രണ്ടു വ്യത്യസ്ത കാര്യങ്ങള്‍  രണ്ടു ബുദ്ധി ജീവികള്‍ രണ്ടു വാരികകളിലൂടെ പറയാന്‍ ശ്രമിക്കുന്നു എന്നേ എല്ലാവര്ക്കും തോന്നൂ. എന്നാല്‍ ലേഖനങ്ങളില്‍ ഉടനീളം ഇവര്‍ രണ്ടു പേരും പരസ്പരം ചെളി വാരിയെറിയുന്നത് നമുക്ക് കാണാന്‍ സാധിക്കും. പക്ഷെ ആ ചെളി വന്നു വീഴുന്നത് കേരള സമൂഹത്തെ വിഴുങ്ങിയിരിക്കുന്ന ചില ചിന്താ ധാരകളിലെക്കാന്. 

ഇര വാദം ഉയര്‍ത്തിയ കെ ഇ എന്‍ സാറിനെ മുസ്ലിംമത മൌലികതയുടെ പാദ സേവകനായി ഹമീദ് സാര്‍ നേരിട്ടോ അല്ലാതെയോ മുദ്ര കുത്താനായി ശ്രമിക്കുമ്പോള്‍  സവര്‍ണ ഹിന്ദു ഫാസിസത്തിന്റെ മൊത്തകച്ചവടക്കരനായി ഹമീദ് സാറിനെ കെ ഇ എന്‍ വരച്ചു കാണിക്കുന്നു. ഇവരുടെ ആക്രമണ പ്രത്യാക്രമണ ആരോപണ പ്രത്യാരോപന മറുപടികള്‍ ആഴ്ചകളോളം കേരള മാധ്യമങ്ങളില്‍ നിറഞ്ഞു നില്‍ക്കുന്നു. ജനങ്ങള്‍ ഇത് ചര്‍ച്ച ചെയ്യുന്നു. ഇവര്‍ ഉയര്‍ത്തുന്ന വാദ ഗതികള്‍ ശ്രദ്ധ നേടുന്നു. ഇതിലെവിടെ ഒളിച്ചു കളി എന്ന് നമുക്ക് നോക്കാം. ഒളിച്ചു കളിയുടെ പിന്നംബുരതെക്കൊരുയാത്ര.

ഹമീദ് സാര്‍ കഴിഞ്ഞ കുറെ വര്‍ഷങ്ങളായി ജമാത് ഇസ്ലാമിയെക്കുരിച്ചും അതിന്റെ ആശയ സംഹിതയുടെ പകടതെക്കുരിച്ചും വാചാലനാകാന്‍ തുടങ്ങിയിട്ട്. പക്ഷെ  കേരള സമൂഹം മുഴുവനായി ഈ വാചാലത ശ്രദ്ധിച്ചില്ല. വര്‍ഷങ്ങളായി അദ്ദേഹം എഴുതിയ ലേഖനങ്ങളും പുസ്തകങ്ങളും (മതം, രാഷ്ട്രീയം, ജനാധിപത്യം, പര്‍ദയുടെ മനശ്ശാസ്ത്രം, ന്യൂനപക്ഷ രാഷ്ട്രീയം, വര്‍ഗ്ഗീയ മനോഭാവത്തിന്‍റെ വേരുകള്‍, വ്യക്തിനിയമ വിചിന്തനം) കേരളത്തിലെ വായനാ ശീലമുള്ള ഒരു ചെറിയ കൂട്ടം മാത്രമേ വായിച്ചുള്ളൂ. കെ ഇ എന്‍ ന്റെ കാര്യവും ഇത് തന്നെ. ബുദ്ധി ജീവികളില്‍ മാത്രമല്ല എല്ലാ ജനങ്ങളും തങ്ങളുടെ ആശയങ്ങള്‍ വായിക്കപ്പെടണം എന്ന ഇവരുടെ ആഗ്രഹമാണ് ഈ വാചക ഏറ്റുമുട്ടലുകള്‍ തെളിയിക്കുന്നത് .     ഇവരുടെ പുസ്തകങ്ങള്‍ പരതിയ എനിക്ക് ഇവര്‍ രണ്ടു പേരും കൂടി എഴുതിയ ശരിഅത്ത്: മിഥ്യയും യാഥാര്‍ത്ഥ്യവും എന്ന പുസ്തകം ലഭിക്കുകയും അടിസ്ഥാനപരമായി ഇവരുടെ ചിന്താ ധാരകളും ആശയങ്ങളും ഒന്ന് തന്നെയാണ് എന്നും അത് ethu  തരത്തിലുമുള്ള മൌലിക വാദങ്ങളെ തള്ളിപ്പരയുന്നതാനെന്നും മനസ്സിലായി. ജമാത് ഇസ്ലാമി മുസ്ലിം മത  രാഷ്ട്രത്തിന് വേണ്ടി ശ്രമിക്കുന്നു എന്ന് പതിറ്റാണ്ടുകളായി ഹമീദ് സാര്‍ എഴുതുകയാനെന്കിലും അത്നൊരു സ്വീകാര്യത ലഭിച്ചിരുന്നോ? ഇല്ലല്ലോ ?  അദ്ദേഹത്തിന്റെ ലേഖനങ്ങളെയും പുസ്തകങ്ങളെയും അവഗണിക്കുകയും ലളിതവല്‍ക്കരിക്കുകയും ആണ് ജമാത് ഇസ്ലാമി ചെയ്തത് ( അല്ലെങ്കില്‍ ആരിഫലി ഇമാം എത്ര മറു lekhanangal  പ്രബോധനതിലും മാധ്യമത്തിലും ) എഴുതിയേനെ? അവര്‍ എഴുതിയില്ല. എഴുതിയിരുന്നെങ്കില്‍ അതൊരു വാര്‍ത്തയാകും, പൊതു സമൂഹത്തില്‍ ജമാത് ഇസ്ലാമിയുടെ അസ്ഥിത്വം ചോദ്യം ചെയ്യപ്പെടും.  അതിലൊരു അപകടം ഒളിഞ്ഞിരിക്കുന്നത് കൊണ്ട് ബുദ്ധിമാന്മാരായ അവര്‍ ഹമീദ് സാറിനെ തീര്‍ത്തും അവഗണിച്ചു. എതിര്‍ക്കപ്പെടാനില്ലതതാണ് തന്റെ എഴുത്തിന്റെ പ്രശ്നം എന്ന് തിരിച്ചറിഞ്ഞ ഇവര്‍ അതിനു വേണ്ടി ഉണ്ടാക്കിയതല്ലേ ഈ പുകിലെല്ലാം. ഇന്ന് കേരളത്തിലെ കൊച്ചു ക്ട്ടികള്‍ക്കും സീരിയല്‍ മാത്രം കാണുന്ന കൊച്ചമ്മമാര്‍ക്കും  അറിയാം ജമാത് ഇസ്ലാമിയെപ്പറ്റി, ഇര വാദത്തെ പറ്റി, സ്വത്വ വാദത്തെ പറ്റി, സവര്‍ണ ഫാസിസത്തെ പറ്റി, കെ ഇ എന്‍ എന്ന ബുദ്ധി ജീവിയെ പറ്റി, ഹമീദ് എന്ന ആംഗലേയ അധ്യാപകനെ പറ്റി, എന്തിനേറെ പറയുന്നു moududi യെ പറ്റി വരെ. 

ഹമീദ്  സാറേ, കെ ഇ എന്‍ സാറേ നിങ്ങള്‍ അവസാനം വിജയിച്ചു. ഈ ഒളിച്ചു കളിയില്‍ വിജയം നിങ്ങളുടേത് മാത്രം. കേരള സമൂഹത്തില്‍ പ്രസക്തമായ , സമൂഹത്തിനു ആവശ്യമായ ചിന്തകള്‍ നല്‍കുന്നതിനു വേണ്ടി ആണ് നിങ്ങള്‍ ഈ ഒളിച്ചു കളി നടത്തിയത് എന്നുള്ളത് കൊണ്ട് നിങ്ങളുടെ ഈ വിജയത്തില്‍ കേരള സമൂഹം പങ്കു ചേരുന്നു, കൂട്ടത്തില്‍ ഈയുള്ളവനും. 


note - 

വെറും ഒരു ശാസ്ത്ര ഗവേഷണ വിദ്യാര്‍ഥി ആയതു  കൊണ്ട് ഈയുള്ളവന് ഹമീദ് സാറിന്റെയും കെ ഇ എന്‍ സാറിന്റെയും എല്ലാ പുസ്തകങ്ങളും വില കൊടുത്തു വാങ്ങാന്‍ സാധിച്ചില്ല. അതിനാല്‍ ഇനി നല്ല പുസ്തകങ്ങള്‍ എഴുതുമ്പോള്‍ ഈയുള്ളവന് അവയുടെ ഒരു കോപ്പി അയച്ചു തന്നാല്‍ നന്നായിരിക്കും ( പത്തു കോപ്പി യില്‍ കൂടുതല്‍ പ്രസാധകര്‍ ഫ്രീ ആയി തരുമല്ലോ. അതില്‍ നിന്നൊരെണ്ണം